Gott mál

Auðvitað er ekki gott mál að greyið barnið lendi í að vera þetta bitbein en á hinn bóginn er fínt að fá úr því skorið hvort skólinn geti leyft að boðskortum sé dreift á skólalóðinni. Einhverntímann las ég að sænsk löggjöf sé mun strangari í eineltismálum og hægt sé að lögsækja skólann og er hann skaðabótaskyldur ef ekki er tekið á eineltismálum. Einnig er gerandinn færður í annan skóla en ekki þolandi. Að mínu mati gott mál

Á hinn bóginn finnst mér ótrúlegt að enn séu til foreldrar sem leyfa börnum sínum á þessum aldri að undanskilja 2 að heilum bekk.

Fólk er fífl 

Barnaafmæli veldur uppnámi í Svíþjóð

Hvað er að??

Einungis 6 sækja um eina þá mest spennandi skólastjórnunarstöðu sem auglýst hefur verið á Norðurlandi í langan tíma. Í vor var auglýst skólastjórastaða í Brekkuskóla og aðeins 3 sóttu um. Hvað veldur? Fjöldi fólks hefur verið að mennta sig í stjórnun skólastofnanna en af hverju skila umsóknir frá þeim aðilum sér ekki?

Ég hef sagt það áður og segi það enn að ég held að skólastjórnun sé eitt allra erfiðasta stjórnunarstarf sem hægt er að vinna. Skólastjorar hafa marga hagsmunaaðila og þeirra undirmenn, kennarar, eru margir hverjir vanir að stjórna sér sjálfir og kjarasamningar hefta stjórnunarlega möguleika all svakalega. Til að fá besta fólkið í þessi störf þá þurfum við að borga en í dag fá skólastjórnendur alls ekki góð laun. Ég held fyrir skóla að meðalstærð sé launin rétt rúmur 500 kall sem er auðvitað arfalélegt fyrir starf sem krefst 24/7, góðrar menntunar, mikils áreitis, leiðtogahæfni og hugmyndaauðgi.

 

6 sóttu um Naustaskóla en tveir í Hríseyjarskóla

Gott að vera skuldlaus útflytjandi

Já ef ég væri skuldlaus útflytjandi t.d. á fiski væri ég afskaplega glöð með fréttir þessa. En við þetta aukast skuldir þjóðarbúsins til muna og margir ný búnir að taka lán í erlendri mynt. Auðvitað á fólk að vita að erlenda lántaka er áhættusöm í eðli sínu en þetta er nú orðið mun meiri lækknun en flesta óraði fyrir. og svo skilar þetta sér út í verðlagið og hækkar hin verðtryggðu íslensku lán. Hvar endar þetta?

Nú hlýtur botninum að vera náð eða hvað?

Lækkun krónunnar 3,58%

Erfiðasta hlutverkið

Já ég held að það sé án efa erfiðasta en yndislegasta hlutverkið sem við sinnum að vera foreldri, því þar viljum við alls ekki gera mistök, þar sem þau geta verið ansi dýrkeypt.

Margar fræðigreinar, bækur og fyrirlestrar fjalla um mikilvægi mistaka " you learn faster in disaster" að það sé allt í lagi að gera mistök ef við notum þau til lærdóms etc og ég held að mikið sé til í þvi´en ég vil ekki læra á mistökum í uppeldi því ég vil ekki gera stórvægileg mistök á því sviði því þau verða ekki metin til fjár.

Í denn held ég að það hafi ekki verið mikið um að foreldrar báðu börn sín afsökunar ef þeir fóru fram úr sér en það geri ég hiklaust í dag. Auðvitað gera allir foreldarr mistök og þá reynir á að  vera  gagnrýninn og útskýra fyrir börnum sínum í hverju þau fólust ef það á við.

Ég velt mikið fyrir mér hvernig best er að halda tengslunum við börnin sín fram yfir unglingsárin og hef svo sem engar töfralausnir í því sambandi en ég held að það skipti afskaplega miklu máli að foreldri/ar rækti sameiginlegt áhugamál með börnunum sínum, á forsendum barnanna, þ.e. að þetta sé skemmtilegt sem eykur líkur á að börnin vilji halda áfram uppteknum  hætti þrátt fyirr að unglingsárin hafi færst yfir. Og hitt atriðið sem ég tel mikilvægt er að kynnast vinum barnanna sinna og þeir séu ávallt velkomir inn á heimilið.

Án efa er margt fleira mikilvægt en þetta eru atriði sem ég hef og ætla að hafa í huga þegar unlingsárin mæta en ég hef nokkur ár til að undirbúa mig og safna fróðleik

Missa verndarhlutverkið

Hard life

Það virðist vera mjög ótrygg atvinna að starfa við flug.

Atvinnuástand hjá flugmönnum var nú ekki það gott fyrir og þegar þetta bætist við puff...

Nú les ég þessa frétt þannig að það sé ekki búið að segja þeim upp sem verður sagt upp, hlýtur að vera frekar erfitt að hafa slikt hangandi yfir sér sér í lagi ef viðkomandi er búin að ráðstafa framtíðartekjum sínum að miklu leyti og má því ekki við launalækkun.

 

Segið mér, hversu áhættufælin/sækin eruð þið þ.e. hvað þyrftu laun ykkar að vera mörgum % hærri til að færa ykkur yfir í óörugga atvinnugrein s.s. flug versus að vinna hjá ríkinu ef við gefum okkur að aðrir þættir s.s. starfsánægja séu fastar???

Útlit fyrir fjöldauppsagnir hjá Icelandair

Framsókn á uppleið?

Já það virðist vera sem framsókn fái í þetta sinn að njóta góðs að verkum sínum þegar flokkurinn stóð vörð um íbúðalánasjóð. Ég tek ekki pólitíska afstöðu og er engum flokki bundin en ég vil þó að framsókn eflist á ný.

 Verandi í fæðingarorlofi  með maka þá hugsa ég hlýtt til floksins enda átti hann stóra hlut í að koma núverandi kerfi á koppinn en sem betur fer var nú þverpólitíks sátt um málin.

Fylgi Sjálfstæðisflokksins minnkar í könnun

Fór á fyrirlestur

Einhverntímann hlustaði ég á konu sem var að kynna lokaverkefni sitt en það fjallaði um fasteignavísitöluna þetta virkaði flott verkefni hjá henni og ef ég man rétt var hún að rembast við að leiðrétta fyrir gæðum.

 Fyrst þa er alltaf verið að birta hana er ekki hægt að þróa líkan sem leiðréttir fyrir gæðum, aldri og slíku? Held að það ætti ekki að vera of flókið. Faktíst eru þessi viðmið sem við höfum í dag handónýt.

Einungis 33 kaupsamningum þinglýst

Win Win

Hversu oft ætli hafi tekist að aðilar geri win win kjarasamninga?

 Það er án efa hörku djobb að vera ríkissáttarsemjari, myndi þó halda að það væri oft á tíðum leiðigjarnt en ætli hann sé ekki  mjög fegin að búið sé að semja við grunnskólakennara sem eru reyndar win win samningar ef haldið verður áfram á þessari braut. Þessir samningar voru hænuskref í rétta átt.  Ég vona að kennarar fari að einbeita sér að því að semja um góð laun og hætti að leggja áherslu á fjölda barna í bekk, mínútu fjölda og fleira því t.d. á fjöldi barna í bekk að vera hagsmunabarátta foreldra en ekki kennara. Held líka að allir aðilar séu orðnir þreyttir á kjaradeildu sveitarfélaga og kennara, sér í lagi grunnskólakennara og þrái að sátt komist á þessi mál því að engin efast um hversu mikilvægt starf það er að kenna börnunum okkar og auðvitað á fólk að fá borgað mannsæmandi laun sér í lagi ef það vinnur vinnuna sína vel :o) 

Í sambandi við BHM þá finnst mér frekar spes að samninganefndinni detti í hug að bjóða þeim krónutöluhækkun þegar laust er að það felur í sér talsverða kjaraskerðingu, spennandi að sjá inn á hvaða braut ríkissáttasemjari leiðir hópinn.

Kjaradeilu háskólamanna vísað til ríkissáttasemjara

Er ekki bara verið að lengja í snúrunni?

Ég tel að þessar aðgerðir séu til þess fallnar að draga nauðsynlegar "leiðréttingar" á húsnæðismarkaðinum á langinn... leiðréttingar í þessu og hlutabréfasamhengi alltaf frekar fyndið orð.

Áhrif á þessum breytingum verða þó ekki miklar, kemur smá kippur núna í leið og þetta tekur gildi en svo erum við að díla við sömu hlutina, fólk sem ræður ekki við þá greiðslubyrði sem það er búið að koma sér í og spá seðlabankans rætist, tekur mögulega bara aðeins lengri tíma.

 

Finnst eðlilegt að hækka hámarkslánið eins og gert er og afnema tengingu við brunabótamat en að fara yfirtaka lán sem banka... þetta er eins og foreldar sem hoppa inn og borga visareikning barna sinna ef þau hafa farið fram úr sér og láta með því börnin sín verða af lærdómi.

Breytingar á Íbúðalánasjóði

Halda olíufélögin þetta út?

Nú ef framlegð þeirra er að minnka og salan að dragast saman, hlýtur hagnaður að dragast saman og jafnvel hverfa sem ætti að leiða til samþjöppunar á markaði ef markaðslögmálin virka

 

Nema að álagningin hafi verið óhófleg áður....... er það mögulegt???

Innkaupsverð á bensíni hefur hækkað um 59%